नाते तुझे नि माझे

!! नाते तुझे नि माझे !!

काय आहे असे खास

तुझ्या नी माझ्या नात्यात

वेगळे विचार वेगळे स्वभाव

तरीही दोघात नसे दुजा भाव

मैत्री अन प्रेमा पलीकडे

आहे काहीतरी वेगळं म्हणून

मनातलं सांगावे वाटते सगळे

मनातले काहींना न ठेवता आत

विश्वास वाटतो तुझ्या कडूनच

मिळेल नेहमीच साथ

कट्टी-बट्टी होतंच रहाते

अबोलाही होतो आपल्यात

रुसवे-फुगवे आणि मनवणे

चालूच असते त्यात

त्या कट्यावरच्या गप्पा

अन नाक्यावरचा मका

पावसात भिजून टपरीवर

भुरकलेला चहा

अभ्यासासाठी भेटणे

अन स्वप्नात रमणे

रात्रीच्या अंधारातले डोळ्यांचे भिजणे

निखळ हास्य अन पावलात अडखळणे

नातं तुझं नी माझं नक्कीच आहे खास

ना करमत तुझ्या शिवाय

ना जमत तुझ्या शिवाय

सोनाली देवळेकर