नागपंचमी

नागपंचमी 

श्रावण महिन्यातील इतर सणां पैकी 

नागपंचमी हा महत्वाचा सण आहे.    

या दिवशी नागोबाची पुजा केली जाते .

माझ्या लहानपणी आजी 

मातीचा नागोबा तयार करून त्याला पूजत असे.

नागोबा नागीण आणि त्यांची पिल्लं असे पाटावर ठेवले जायचे. 

मग आजी त्यांना हळद-कुंकू, गधं, 

अक्षता, फुलं वाहून पूजा करायची. 

नागवेल आणि कापसाचे वस्त्र सुद्धा वहायची. 

नागोबाला दूध आणि लाह्यांचा नेवैद्य असायचा. 

सकाळी नागोबाला पुजले जायचे आणि 

तिन्हीसांजेला शेतात किंवा नदी जवळ विसर्जन केले जायचे.

जेवणाच्या नेवैद्यात अळूची भाजी आणि मोदक आवर्जुन केले जायचे.

तसेच उकडीच्या शेंगाही केल्या जातात.

शेतकरी आपल्या शेताचा रक्षणकर्ता म्हणून नागोबाला पूजतात.

गावाकडे हा सण अतिशय उत्साहाने साजरा केला जातो.

यादिवशी माहेरवाष्णी आपल्या माहेरी येतात 

त्यांच्या करता गोड पदार्थ केले जातात.

नागोबाला भाऊ मानले जाते आणि 

आपल्या रक्षणकर्त्याचे बहिणी पूजन करतात.

नागपंचमीच्या रात्री शंकरा च्या मंदिरात 

रात्र जागवण्याची सुद्धा पद्धत आहे.

पूर्वी यादिवशी गारुडी नागोबाला घेऊन फिरत असत.  

स्त्रिया हळद - कुंकू आणि दूध-लाह्या वाहून त्याची पूजा करत.

पण आता हे दृश्य दिसत नाही कारण या वर बंदी घालण्यात आली आहे.

ज्यांच्या कडे भाद्गपद महिन्यात  गणेशाची  स्थापना करतात 

त्यांच्या कडे नागोबाची पूजा जरूर केली जाते.

तुम्हा सर्वांना नागपंचमीच्या हार्दिक शुभेच्छा

.